Дербес деректерді жинауға және өңдеуге келісім

Осы Келісім «Дербес деректер және оларды қорғау туралы» Қазақстан Республикасының № 94-V Заңына сәйкес беріледі. Өңдеу туралы толығырақ — Дербес деректерді өңдеу саясатында.

А бөлімі. Келісімнің қысқаша нысаны

Келісім белгі қою арқылы беріледі. Белгі қойылмаса, тіркелу (немесе жұмысты жалғастыру) мүмкін емес.

Тіркелу кезінде:

☐ Мен дербес деректерді өңдеуге келісім беремін, Шарт-офертаны және Дербес деректерді өңдеу саясатын қабылдаймын.

Белгі Б бөлімінің шарттарына толық келісуді білдіреді. Толық мәтін белгі қойғанға дейін өріс жанындағы сілтеме бойынша қолжетімді.

Міндетті емес белгі — тіркелу кезінде, жаңа редакцияны қабылдау кезінде және профильде:

☐ Esepro.kz-тен және оның серіктестерінен ұсыныстар мен жеңілдіктерді поштаға, SMS арқылы, мессенджерлерге, push-хабарландырулар түрінде және Жеке кабинетте алу. Таратылымнан кез келген сәтте шығуға болады.

Бұл белгі — жарнамалық хабарламаларға жеке келісім (Саясат, 2.6-бөлім). Онсыз тіркелу және Сервисте жұмыс істеу толық қолжетімді. Жаңалықтар хабарламаларына келісім тіркелу кезінде немесе жаңа редакцияны қабылдау кезінде берілетін келісімнің құрамына кіреді; олардан да дәл осылай таратылымнан шығуға болады.

Егер жаңа редакцияны қабылдау талап етілсе (мысалы, оператор ауысқан кезде):

☐ Мен дербес деректерді өңдеуге келісім беремін, Шарт-офертаның және Дербес деректерді өңдеу саясатының жаңа редакциясын қабылдаймын.

Пайдаланушы жаңа редакцияны қабылдағанға дейін оның деректері бұрын берілген келісім шегінде өңделеді (Шарт-оферта, 4.4-т.).

Аналитикалық және жарнамалық cookie мен пиксельдерге келісім осы келісімнің құрамына кіреді. Тіркелгісі жоқ сайтқа келушілер оларды cookie баптауларында өшіре алады (Саясат, 9-бөлім).

Б бөлімі. Келісімнің толық мәтіні

1. Дербес деректер операторы

Атауы: «Solai Solutions» дара кәсіпкері (дара кәсіпкер ретінде қызметті бастағаны туралы хабарлама бойынша атауы)
ЖСН: 890711301780
Дербес деректер мәселелері бойынша байланыс: info@esepro.kz

Осы келісім «Solai Solutions» ДК-ға, оның ішінде Сервиске 2026 жылғы 8 қазанға дейін енгізілген дербес деректерді өңдеуге беріледі.

2. Дербес деректер субъектісі

Субъект — тіркелу кезінде, жаңа редакцияны қабылдау кезінде немесе Esepro.kz сервисін пайдалану кезінде осы келісімді беретін, тіркелгі бойынша сәйкестендірілетін жеке тұлға: тіркелгінің тегі, аты және әкесінің аты (егер ол болса), электрондық пошта мекенжайы және (немесе) телефон нөмірі.

3. Өңделетін дербес деректердің тізбесі

Оператор субъектінің мынадай деректер санаттарын өңдейді (толығырақ — Саясат, 2-бөлім):

тіркелгі және кіру: электрондық пошта мекенжайы, телефон нөмірі, тегі, аты және әкесінің аты, Компаниялардың ЖСН/БСН-і, Google тіркелгісінің деректері (Google арқылы кірген кезде), қабылданған құжаттар мен берілген келісімдер туралы мәліметтер, IP-мекенжай және браузер туралы мәліметтер, құжаттармен жасалған әрекеттер тарихы;
құжаттар және есеп: пайдаланушының құжаттары мен файлдарындағы дербес деректер, ал тиісті функцияларды пайдаланған кезде — банктік үзінді көшірмелер, жұмыскерлер туралы мәліметтер (оның ішінде шегерімдер мен жеңілдіктерге құқық және мүгедектік туралы), кіріс құжаттар, тану үшін құжаттардың бейнелері, құжаттарды сілтеме арқылы жіберу туралы мәліметтер, құжаттардың көшірмелері;
мемлекеттік тізілімдердің анықтамалық деректері, ЖСН/БСН бойынша алынған;
Pro тарифі бар Компания үшін — бюджетке берешек туралы мәліметтер, дара кәсіпкерде — сондай-ақ ол жеке тұлға ретінде төлейтін салықтар бойынша;
ЭШФ АЖ-мен жұмыс: ЭЦҚ сертификатының мәліметтері, ЭШФ АЖ құпиясөзі, ЭШФ және ЭОЖА мазмұны;
хабарламалар: хабарлама арналарының мекенжайлары мен сәйкестендіргіштері, push-жазылымның және күнтізбеге жазылудың мәліметтері (осы функцияларды пайдаланған кезде), келісімдер, бас тартулар және жіберілген хабарламалар туралы мәліметтер;
EsepAI анықтамалық ЖИ-көмекшісі: сұрақтар мен жауаптар, жауап үшін қажетті тіркелгінің, Компанияның, құжаттардың және есептің мәліметтері, жауаптардың бағалары;
қолдау қызметіне жасалған өтініштер, оның ішінде мессенджерлерде;
Жеке кабинеттегі жұмыс: қиындықтар туралы мәліметтер, нысандармен жұмыс оқиғалары, ыңғайлылық туралы сауалнамаларға жауаптар;
аналитика және жарнама: cookie файлдары, IP-мекенжай, сайттағы және Жеке кабинеттегі әрекеттер туралы деректер, жарнамалық сәйкестендіргіштер, электрондық пошта мекенжайы мен телефон нөмірінің хештері;
қауіпсіздік: сұраулар мен қателердің техникалық мәліметтері;
төлем: тариф, төлемдер мен қайтарулар туралы мәліметтер, карта нөмірінің соңғы цифрлары; Pro тарифін ресімдейтін пайдаланушының тегі, аты және телефон нөмірі, Компанияның ЖСН/БСН-і;
реферал бағдарламасы және бухгалтерлерге арналған бағдарлама: шақырулар мен бонустар туралы мәліметтер; бухгалтерлер үшін — Т.А.Ә. және біліктілігі мен тәжірибесі туралы мәліметтер;
құжатты анонимдік генерациялау: электрондық пошта мекенжайы және ресімделетін құжаттың деректері;
пайдаланушы Сервиске енгізетін немесе оны пайдалану кезінде қалыптасатын деректер: құжаттар, есеп, хабарламалар, өтініштер, функцияларды пайдалану туралы мәліметтер.

4. Өңдеу мақсаттары

пайдаланушыны тіркеу, сәйкестендіру және аутентификациялау, тіркелгіні жүргізу, Компанияның атынан әрекет ету құқығын растау;
Компанияның деректемелерін толтыру: пайдаланушының Т.А.Ә. әдепкі бойынша Компания басшысының Т.А.Ә. ретінде, ұялы телефон нөмірі — Компанияның телефоны ретінде қойылады; бұл мәліметтер құжаттарда басылады және контрагенттерге көрінеді, пайдаланушы оларды өзгерте алады;
Шарт-оферта бойынша пайдаланушы пайдаланатын Сервис функцияларын ұсыну (құрамы — «Тарифтер» беті), оның ішінде құжаттарды жасау, сақтау және есепке алу, есеп және есептеулер, ал тиісті функцияларды пайдаланған кезде — банктік үзінді көшірмелер бойынша есеп, жалақыны есептеу, кіріс құжаттарды есепке алу, құжаттар бейнелерін тану, құжаттарды сілтеме арқылы жіберу, көшірмелерді сақтау;
пайдаланушының нұсқауы бойынша ЭШФ АЖ арқылы ЭШФ және ЭОЖА жазып беру, алу және қадағалау;
мемлекеттік тізілімдерден ЖСН/БСН бойынша деректемелерді автоматты қою;
МКК деректері бойынша бюджетке берешекті бақылау (Pro тарифі);
сервистік және жаңалықтар хабарламаларын жіберу; жарнамалық хабарламаларды, оның ішінде серіктестердің ұсыныстарын, жіберу — белгі қою арқылы берілген келісім болған кезде;
Жеке кабинетте жарнаманы, оның ішінде серіктестердің ұсыныстарын көрсету: Тегін тарифтің пайдаланушыларына, ал Pro тарифінің пайдаланушыларына — олардың келісімі болған кезде;
EsepAI анықтамалық ЖИ-көмекшісінің жауаптарын дайындау және олардың сапасын бақылау;
клиенттік қолдау, сұрау салуларды, өтініштерді және шағымдарды өңдеу, оның ішінде жасанды интеллект модельдерін пайдалана отырып жауаптар дайындау; пайдаланушыға Жеке кабинетте жұмыс істеу қиын болатын жерлерді табу және көмек ұсыну;
веб-аналитика, Сервисті оны пайдалану туралы мәліметтер бойынша жақсарту және дамыту;
Esepro.kz жарнамасын жарнама желілерінде сайтқа келушілерге, Сервис пайдаланушыларына және оларға ұқсас аудиторияларға көрсету, көрсетуден шығару, жарнама тиімділігін бағалау;
пайдаланушыға Сервис серіктестерінің (банктер, сақтандыру және өзге де ұйымдар) өнімдері мен қызметтерін ұсыну, оның ішінде оларға пайдаланушының деректерін беру;
Сервисті теріс пайдаланудан қорғау, қауіпсіздікті қамтамасыз ету, іркілістерді диагностикалау, сақтық көшірмелеу;
тарифке ақы төлеу, төлеушіні сәйкестендіру, автоматты ұзарту, қайтарулар, оператордың салықтық міндеттерін орындау;
реферал бағдарламасында шақырулар мен бонустарды есепке алу, бухгалтер мәртебесін тексеру.

5. Келісімнің қолданылу мерзімі

Келісім ол субъект кері қайтарып алғанға дейін не өңдеу мақсаттарына қол жеткізілгенге дейін қолданылады. Деректерді сақтау мерзімдері — Саясат, 4-бөлім.

6. Үшінші тұлғаларға беру және трансшекаралық беру

Үшінші тұлғаларға беру — бар. 4-бөлімнің мақсаттары үшін оператор дербес деректерді өңдеушілерге, оның ішінде мына топтардың өңдеушілеріне (Саясат, 5-бөлім): хостинг, хаттарды жіберу, корпоративтік пошта, SMS жіберу, мессенджерлер, жасанды интеллект модельдерінің жеткізушілері, веб-аналитика, жарнама желілері, шабуылдардан қорғау және контентті жеткізу, қателер туралы есептер, Google тіркелгісі арқылы кіру, төлем провайдері, — және оператор 4-бөлімнің мақсаттары үшін тартатын өзге де тұлғаларға береді; пайдаланушының нұсқауы бойынша — сондай-ақ ол таңдаған алушыларға (контрагенттерге, банктерге, Сервис серіктестеріне, Қазақстан Республикасының мемлекеттік ақпараттық жүйелеріне). Бұдан басқа, оператор 4-бөлімнің мақсаттары үшін пайдаланушының дербес деректерін өзге де үшінші тұлғаларға, оның ішінде Сервис серіктестеріне (банктер, сақтандыру және өзге де ұйымдар) беруге құқылы. Пайдаланушы таңдайтын сервистер (күнтізбе, браузердің push-хабарландыру сервисі, бұлттық қойма және т. б.) оператордың өңдеушілері болып табылмайды; мұндай функцияны қосу — оларға деректерді, оның ішінде Қазақстан Республикасынан тыс жерге беруге келісім.

Трансшекаралық беру — бар. Өңдеушілердің бір бөлігі Қазақстан Республикасынан тыс жерде, оның ішінде дербес деректердің қорғалуын қамтамасыз етпейтін мемлекеттерде орналасқан (Саясат, 6-бөлім). Осымен субъект осындай трансшекаралық беруге келісім береді (№ 94-V 16-баптың 3-тармағының 1) тармақшасы).

Осы келісімде субъектінің дербес деректерін үшінші тұлғаға әрбір беру туралы оны хабардар ету шарты жоқ.

Веб-аналитика және жарнама тіркелген пайдаланушыға осы келісім негізінде жүзеге асырылады. Жарнама желілеріне тіркелгінің электрондық пошта мекенжайы мен телефон нөмірінің хештері, жарнамалық сәйкестендіргіштер мен оқиғалар беріледі (Саясат, 2.10-бөлім).

6.1. Жалпыға бірдей қолжетімді көздерде тарату

Оператор және өңдеушілер субъектінің дербес деректерін жалпыға бірдей қолжетімді көздерде таратпайды — адамдардың шектелмеген тобына оларға қолжетімділік бермейді (№ 94-V 1-баптың 3-2) тармақшасы), пайдаланушы Сервис құралдарымен жариялауды өзі шешетін мәліметтерді (мысалы, сілтеме бойынша деректемелер картасын) қоспағанда; мұндай шешім — оларды таратуға келісім.

7. Келісімді кері қайтарып алу тәртібі

Субъект кез келген сәтте келісімді тіркелгінің электрондық пошта мекенжайынан info@esepro.kz мекенжайына жүгіну арқылы, Жеке кабинеттегі кері байланыс нысаны арқылы не өтініш берушінің жеке басын растауға мүмкіндік беретін өзге тәсілмен кері қайтарып алуға құқылы. Келісімді кері қайтарып алу, жекелеген бөліктегі кері қайтарып алуды (төменде) қоспағанда, тіркелгіні жоюға әкеп соғады.
Кері қайтарып алғаннан кейін оператор өңдеуді тоқтатады және дербес деректерді жояды, оператор ҚР заңнамасы бойынша сақтауға міндетті деректерді (мысалы, төлемдер туралы мәліметтерді) немесе орындалмаған міндеттемені орындау үшін қажетті деректерді қоспағанда (№ 94-V 8-баптың 2-тармағы). Кері қайтарып алу кері қайтарып алуға дейінгі өңдеудің құқыққа сәйкестігіне әсер етпейді.
Тіркелген пайдаланушы үшін веб-аналитика — Сервисті пайдалану шарты: тіркелгіні пайдалануды жалғастыра отырып, одан бөлек бас тартуға болмайды. Тіркелгісі жоқ сайтқа келуші аналитикалық және жарнамалық cookie-ні сайттың төменгі бөлігіндегі cookie баптауларында өшіре алады.
Келісімді тұтастай кері қайтарып алмай және тіркелгіні жоймай, өңдеудің жекелеген түрлерінен бас тартуға болады — тізбесі мен тәртібі Саясаттың 7-бөлімінде.

8. Субъектінің құқықтары

Субъектінің құқықтары және оларды іске асыру тәртібі — Саясат, 7-бөлім.

Құжат жасаудың анонимдік нысанындағы келісім

Тіркеусіз email көрсету үшін email өрісінің қасында қысқартылған келісім пайдаланылады:

Email көрсете отырып, сіз дербес деректерді Дербес деректерді өңдеу саясатына сәйкес өңдеуге келісім бересіз.

Email көрсету осы құжаттың шарттарына келісуді білдіреді (оператор — «Solai Solutions» ДК).

2026 жылғы 2 қарашадағы редакция.